A CEOE publicou o último informe sobre as previsións da economía española e do panorama económico con data deste mes de febreiro.
Consulta o informe completo aquí
O Congreso non aprobou os PGE para 2019 que propoñía o Goberno, o que provocou a convocatoria de eleccións xerais. A economía española está, por tanto, nun momento de maior incertidume política, á vez que poderían xerarse dúbidas sobre a continuación do proceso de consolidación fiscal.
A economía española continúa crecendo a bo ritmo (0,7% trimestral no cuarto trimestre de 2018). Con todo, a deterioración das expectativas dos fogares e dalgúns sectores comezan a reflexarse nun menor dinamismo do consumo e o investimento. Na senda da desaceleración prevista para 2019, as nosas previsións se manteñen no 2,2% de crecemento.
O ritmo de creación de emprego repuntou no cuarto trimestre de 2018 e os ocupados superan os 19,5 millóns de persoas ao finalizar o ano. Mentres, os afiliados á Seguridade Social desaceleran a súa taxa interanual en xaneiro ata o 2,9%.
A inflación continúa moderándose e rexistra un incremento do 1,0% en xaneiro, debido ao menor avance dos prezos en todos os grandes grupos do IPC.
A economía mundial segue mostrando sinais de ralentización e neste contexto, o FMI e a Comisión Europea revisaron á baixa as súas previsións de crecemento.
Os bancos centrais mantiveron inalteradas os súas políticas monetarias. Ademáis, a Reserva Federal relaxará o ritmo de subidas de tipos durante 2019.
